13 جولائی ، 2024 
کراچی: غیر ملکی اسٹریٹ کرمنل کا نشانہ بن گیا، سفید کار میں سوار ملزمان نے لوٹ لیا
13 جولائی ، 2024
کراچی میں ایک غیر ملکی اسٹریٹ کرمنل کا نشانہ بن گیا اور مذہبی تقریب میں شرکت کیلئے آنے والے بھارتی شہری کو سفید کار میں سوار ملزمان نے لوٹ لیا۔
پولیس کے مطابق نارتھ ناظم آباد میں بھی سفید کار میں سوار دو افراد نے نصرت نامی شہری کو تلاشی کے بہانے روکا، ملزمان شہری نصرت سے والٹ لوٹ کر فرار ہوگئے۔
پولیس کا کہنا ہے کہ نصرت بھارت سے مذہبی تقریبات میں شرکت کیلئے کراچی آیا ہے، والٹ میں شناختی و دیگر کارڈ، 12 ہزار روپے اور تین ہزار امریکی ڈالرز تھے۔
پولیس نے بتایاکہ غیر ملکی شہری قانونی کارروائی نہیں چاہتا، گاڑی کی نشاندہی کی گئی ہے، گاڑی پر جعلی نمبر پلیٹ لگی تھی۔
خیال رہے کہ گزشتہ روز آرٹلری میدان تھانے کی حدود میں فرانس سے آئے شہری کو لوٹا گیا تھا، فرانسیسی سے لوٹ مار کرنے والے ملزمان بھی سفید کار میں سوار تھے۔
مزید خبریں :
کراچی میں ڈاکوؤں نے ایک اور چراغ گُل کر دیا
10 گھنٹے پہلے
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
