13 جولائی ، 2024
پشاور کی مقامی عدالت علاج کے دوران غفلت برتنے سے مریض کی آنکھ ضائع ہونے کے کیس میں خیبر ٹیچنگ اسپتال کے 3 ڈاکٹروں کے خلاف مقدمہ درج کرنے کا حکم دے دیا۔
پشاور کے ایڈیشنل سیشن جج آفتاب اقبال نے درخواست پر مختصر فیصلہ جاری کردیا۔ عدالت نے خیبر ٹیچنگ اسپتال کے تین ڈاکٹروں کے خلاف مقدمہ درج کرنے کا حکم دیا۔
فیصلے میں کہا گیا ہے کہ دستیاب ریکارڈ درخواست گزار کے الزامات کو سپورٹ کر رہا ہے، پولیس متعلقہ ڈاکٹروں کے خلاف قانون کے مطابق مقدمہ درج کرے۔
تحریری فیصلے کے متن کے مطابق تینوں ڈاکٹروں نے 2021 میں علاج کے دوران غفلت کا مظاہرہ کیا جس سے مریض کی آنکھ ضائع ہوئی۔