جنگ بندی کی روایت کی خلاف ورزی، فلسطین کا اسرائیل کو اولمپکس سے خارج کرنے کا مطالبہ

فلسطین کی اولمپک کمیٹی نے جنگ بندی کی روایت کی خلاف ورزی پر اسرائیل کو اولمپکس مقابلوں سے خارج کرنے کا مطالبہ کردیا ہے۔

فرانس نے پیرس اولمپکس میں شریک اسرائیل کے ایتھلیٹس کو 24 گھنٹے خصوصی سکیورٹی فراہم کرنے کا اعلان کیا ہے۔

دوسری جانب اولمپکس میں اسرائیلی ایتھلیٹس کی شرکت کے خلاف پیرس میں احتجاج کا سلسلہ بھی جاری ہے۔

واضح رہے کہ پیرس اولمپکس 2024 میں مقابلوں کا آغاز ہوگیاہے، ایونٹ کی افتتاحی تقریب 26 جولائی کو ہوگی۔

پیرس اولمپکس میں مقابلوں کا آغاز ہوگیا، افتتاحی تقریب 26 جولائی کو ہوگی

اولمپکس کی تاریخ میں پہلی مرتبہ ایونٹ کی افتتاحی تقریب اسٹیڈیم سے باہر منعقد کی جائےگی

26 جولائی کو اولمپکس کی تاریخ میں پہلی مرتبہ ایونٹ کی افتتاحی تقریب اسٹیڈیم سے باہر منعقد کی جائےگی۔

اولمپکس کھیلوں کے افتتاحی تقریب پیرس کے مرکز ی علاقے میں دریائے سین پر ہوگی جس میں مختلف ملکوں کے وفود کشتیوں پر سوار ہوکر دریائے سین میں پریڈ کریں گے۔

افتتاحی تقریب دریائے سین سے ایفل ٹاور کے باغات اور محلات تک 6 کلومیٹر پر محیط ہوگی، جس میں 100 کشتیاں، تقریبا 10 ہزار ایتھلیٹس کو لیے پیرس کے مشہور مقامات کے قریب سے گزریں گی۔

افتتاحی تقریب میں 3 ہزار سے زائد فنکار اپنے فن کا جادو جگائیں گے جبکہ تقریب میں پیرس اور فرانس کی تاریخ اور ثقافت کی نمائش ہو گی۔