30 جولائی ، 2024 
عمران خان سے ملاقات ہوئی، واضح کرتا ہوں کوئی بیک ڈور ڈیل اور رابطہ نہیں: حامد رضا
30 جولائی ، 2024
سنی اتحاد کونسل کے سربراہ صاحبزادہ حامد رضا نے کہا ہے کہ پاکستان تحریک انصاف کے بانی عمران خان سے ملاقات ہوئی ہے واضح کرتا ہوں کوئی بیک ڈورڈیل نہیں ہورہی۔
میڈیا سے گفتگو میں صاحبزادہ حامد رضا کا کہناتھاکہ حکومت نے شیڈول سے ہٹ کر اجلاس بلایا ہے اور ہمیں خدشات ہیں حکومت آئین کی بنیادی روح کے خلاف قانون سازی چاہتی ہے۔
انہوں نے کہا کہ حکومت چوری شدہ مینڈیٹ کے ساتھ آئی ہے، کچھ غلط کرےگی توشورشرابہ توہوگا، ہم اپنی حکمت عملی پر مشاورت کریں گے۔
ان کا کہنا تھاکہ عمران خان سے ملاقات ہوئی ہے واضح کرتا ہوں کوئی بیک ڈورڈیل نہیں ہورہی۔
انہوں نے کہا کہ تصدیق کرتاہوں کوئی بیک ڈور رابطہ نہیں۔
خیال رہے کہ جیل میں صحافیوں سے گفتگو میں عمران خان کا کہنا تھاکہ ہم فوج کے ساتھ مذاکرات کیلئے تیار ہیں، فوج اپنا نمائندہ مقرر کرے ہم مذاکرات کریں گے، ہم نے فوج پر الزامات نہیں بلکہ صرف تنقید کی ہے۔
