12 اگست ، 2024 
بنگلادیش: مرکزی بینک کے دو ڈپٹی گورنرز اور 70 لاء افسران عہدوں سے مستعفی
12 اگست ، 2024
ڈھاکا: بنگلادیش کے مرکزی بینک کے دو ڈپٹی گورنر سمیت متعدد لاء افسران عہدوں سے مستعفی ہوگئے۔
بنگلادیشی میڈیا کے مطابق بنگلادیش بینک کے دو ڈپٹی گورنرز اور ہیڈ آف فنانشل انٹیلی جنس یونٹ نے طلبہ کے احتجاج کے بعد اپنے استعفے حکومت کو جمع کرادیے ہیں۔
اس کے علاوہ بنگلادیش سینٹرل بینک کے ایڈوائزر نے بھی عہدے سے استعفیٰ دے دیا ہے۔
رپورٹس کے مطابق بنگلادیش کی وزارت خزانہ نے مرکزی بینک کے عہدیداروں کے مستعفی ہونے کی تصدیق کی ہے۔
بنگلادیشی میڈیا کا کہنا ہےکہ حسینہ واجد حکومت کے خاتمے کے بعد مرکزی بینک کے عہدیداروں کے استعفے کا مطالبہ سامنے آیا تھا۔
دوسری جانب بنگلادیش کے 70 لاء افسران نے بھی عہدوں سے استعفیٰ دے دیا ہے۔
رپورٹس کے مطابق گزشتہ چند دنوں کے دوران اٹارنی جنرل آفس کے 70 لاء افسران اپنے استعفے جمع کراچکے ہیں جب کہ ایڈیشنل اٹارنی جنرل شیخ محمد مرشد اور اٹارنی جنرل اے ایم امین الدین پہلے ہی عہدوں سے مستعفی ہوچکے ہیں۔
رپورٹس میں بتایا گیا ہےکہ گزشتہ ہفتے جمعرات کو دو ایڈیشنل اٹارنی جنرل بھی عہدے چھوڑ چکے ہیں۔
مزید خبریں :
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
11 گھنٹے پہلے
اسرائیل اور حزب اللہ جنگ بندی کیلئے ابتدائی طور پر رضامند
25 نومبر ، 2024
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
