14 اگست ، 2024 
دنیا
فوٹو: کے ایم ایس
مقبوضہ کشمیر میں بھی آج پاکستان کا یوم آزادی منایا گیا
14 اگست ، 2024
مقبوضہ کشمیر میں بھی کشمیری شہریوں نے آج پاکستان کا یوم آزادی جوش و خروش کے ساتھ منایا۔
کشمیر میڈیا سروس کے مطابق پاکستان کے یوم آزادی پر مقبوضہ وادی میں پاکستان کے حق میں پوسٹرز چسپاں کیے گئے اور پاکستان کے جھنڈے لہرائے گئے۔
قابض فوج کی کڑی نگرانی اور سی سی ٹی وی کیمروں کے باوجود مختلف اضلاع میں کشمیریوں نے پاکستان کے حق میں پوسٹرز چسپاں کیے، پوسٹرز پر’یوم آزادی مبارک‘ اور ’ہم پاکستانی ہیں، پاکستان ہمارا ہے‘ کےنعرے تحریر ہیں۔
مقبوضہ کشمیر میں کل 15 اگست کو یوم سیاہ منایا جائے گا، مقبوضہ وادی میں کل یوم سیاہ منانے کی اپیل کُل جماعتی حریت کانفرنس نے دی ہے۔
