22 اگست ، 2024 
قائمہ کمیٹی بین الصوبائی رابطہ کا پی سی بی کو وزیراعظم سیکرٹریٹ کے ماتحت کرنے پر اظہار تشویش
22 اگست ، 2024
اسلام آباد: قومی اسمبلی کی قائمہ کمیٹی بین الصوبائی رابطہ نے پاکستان کرکٹ بورڈ (پی سی بی) کو وزارت سے نکال کر وزیراعظم سیکرٹریٹ کے ماتحت کرنے پر تشویش کا اظہار کیا ہے۔
ثنااللہ مستی خیل کی زیر صدارت قومی اسمبلی کی قائمہ کمیٹی بین الصوبائی رابطہ کا اجلاس ہوا۔
چیئرمین کمیٹی نے سوال کیا کہ پاکستان کرکٹ بورڈ کو وزرات سے کس نے نکالا ہے؟
سیکرٹری وزارت بین الصوبائی رابطہ کا کہنا تھا کہ چیئرمین پاکستان کرکٹ بورڈ نے وزیراعظم کو خط لکھا تھا جس میں کہا گیا تھا کہ چاہتے ہیں کہ وزیراعظم سیکرٹریٹ کو براہ راست جوابدہ ہوں۔
چیئرمین کمیٹی نے حکم دیا کہ اس پر رپورٹ دی جائےکہ کیا رولز کے مطابق پی سی بی کو وزارت سے نکالا گیا ہے؟ پی سی بی کو واپس وزارت بین الصوبائی رابطہ کے پاس آنا چاہیے، وزیراعظم کے ماتحت تو سارے ڈیپارٹمنٹ ہیں، ان کوعلیحدہ لے جانےکی کیا ضرورت تھی۔
چیئرمین کمیٹی کا کہنا تھا کہ جوبھی نگران دور حکومت میں غیرقانونی کام کیےگئے ان کو ریورس کیا جائے۔
مزید خبریں :
اظہر علی کو پی سی بی میں اہم عہدہ مل گیا
9 گھنٹے پہلے
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
