01 ستمبر ، 2024 
بنگلادیش کے 26 پر 6 آؤٹ پھر 262 بنالیے، جنید خان نے قومی بولرزکی کارکردگی پر سوال اٹھادیا
01 ستمبر ، 2024
پاکستان ویمن ٹیم کے بولنگ کوچ اور سابق فاسٹ بولر جنید خان نے راولپنڈی ٹیسٹ میں قومی ٹیم کے بولرز کی کارکردگی پر سوال اٹھا دیا۔
سوشل میڈیا پوسٹ میں جنید خان کا کہنا تھا کہ ناتجربہ کار بولنگ سائیڈ کے پاس پیس موجود نہیں، 26 پر 6 آؤٹ تھے، 262 پر آل آؤٹ کیا۔
جنید خان نے شائقین کرکٹ سے سوال کیا کہ کیا یہ پرفارمنس اچھی ہے یا بری؟
راولپنڈی میں جاری دوسرے ٹیسٹ میچ کے تیسرے دن بنگلادیش کی ٹیم پہلی اننگز میں 262 رنز بنا کر آؤٹ ہوگئی جب کہ پاکستان نے تیسرے دن کے کھیل کے اختتام تک دوسری اننگز میں 2 وکٹ کے نقصان پر 9 رنز بنائے ہیں۔
خیال رہےکہ مہمان ٹیم کی پہلی وکٹ 14 رنز کے مجموعی اسکور پر گری تھی جس کے بعد بنگلادیش کی وکٹیں پتوں کی طرح بکھرتی چلی گئیں اور صرف 26 کے مجموعی اسکور پر اس کی 6 وکٹیں گرچکی تھیں تاہم اس کے بعد مہدی حسن اور لٹن داس وکٹ پر کھڑے ہوگئے اور 165 رنز کی شراکت سے ٹیم کو سہارا دیا۔
مہدی حسن 191 کے مجموعی اسکور پر 78 رنز بنا کر آؤٹ ہوئے۔ ان کے بعد آنے والے تسکین احمد ایک رنز بنا کر پویلین لوٹ گئے، اس موقع پر مہمان ٹیم کا مجموعی اسکور 193 رنز تھا۔
اس موقع پر حسن محمود اور لٹن داس نے 69 رنز کی شراکت سے ٹیم کو مزید سہارا دیا۔ لٹن داس 138 رنز کی شاندار اننگز کھیل کر 262 کے مجموعی اسکور پر آؤٹ ہوئے جب کہ اگلے آنے والے بلے باز ناہید رانا 2 گیندیں کھیل کر بغیر کوئی رن بنائے آؤٹ ہوگئے۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
1 گھنٹے پہلے
بابر اعظم نے ایک اور اعزاز اپنے نام کرلیا
10 گھنٹے پہلے
باکسنگ ڈے ٹیسٹ میچ کے پیچھے کہانی کیا ہے؟
25 دسمبر ، 2024
بھارتی کرکٹر کے ہاں بیٹے کی پیدائش
25 دسمبر ، 2024
