'غزہ میں جو کچھ ہورہا ہے اسرائیل کو اس پر کھلی چھوٹ ہے'، یہودی ہدایتکارہ کی فیسٹیول میں تقریر

وینس فلم فیسٹیول میں یہودی ہدایتکارہ سارہ فریڈ لینڈ نے فلسطین کے ساتھ اظہار یکجہتی کیا۔

غیر ملکی میڈیا رپورٹس کے مطابق سارہ نے اپنی پہلی فلم کے لیے ایوارڈ ملنے پر تقریر میں کہا کہ وہ یہ ایوارڈ اس دن حاصل کررہی ہیں جب غزہ میں جاری فلسطینیوں کی نسل کشی کو 336 دن گزر چکے ہیں۔

غزہ میں اسرائیلی بمباری، شہری دفاع کے ڈپٹی ڈائریکٹر اہل خانہ سمیت شہید

جبالیا میں اسرائیلی فوج کی جانب سے سول ڈیفنس کے ڈپٹی ڈائریکٹر کے گھر کو ٹارگیٹ کرکے نشانہ بنایا گیا: غزہ سول ڈیفنس

انہوں نے کہا کہ بطور فلم ورکرز ہماری ذمہ داری ہے ہم دنیا کو بتائیں کہ غزہ میں جو کچھ ہورہا ہے اسرائیل کو اس پر کھلی چھوٹ ہے۔

یاد رہے کہ 7 اکتوبر 2023 کے بعد غزہ میں ہزاروں بچے اسرائیلی فوج کے ہاتھوں قتل کیے جا چکے ہیں، اب تک اسرائیلی حملوں میں شہید فلسطینیوں کی تعداد 40 ہزار 972 سے تجاوز کرچکی ہے جب کہ 94 ہزار 761 سے زائد فلسطینی زخمی ہوچکے ہیں۔

اسرائیلی حملوں میں شہید اور زخمی ہونے والوں میں نصف سے زائد تعداد صرف بچوں اور خواتین پر مشتمل ہے، غزہ پر اسرائیل کی اندھادھند بمباری سے اب تک لاکھوں افراد بے گھر ہوکر کیمپوں میں گزارنے پر مجبور ہیں۔