سوات: سفارتکاروں کے قافلے پر حملہ، ڈی آئی جی مالاکنڈ اور ڈی پی او سوات عہدے سے فارغ

پشاور: سوات میں غیرملکی سفارت کاروں کے قافلے پر ہونے ولے بم دھماکے  پر  ڈی آئی جی مالاکنڈ  اور  ڈی پی او سوات کو  عہدے سے ہٹادیا گیا۔

سرکاری حکام کے مطابق  ڈی آئی جی محمد علی گنڈاپور  اور  ڈی پی او  زاہد اللہ کو سی پی او رپورٹ کرنےکی ہدایت کی گئی ہے۔

پولیس کے مطابق سوات کے علاقے  مالم جبہ میں 22 ستمبر کو  غیرملکی سفارت کاروں کے قافلے پر دھماکاہوا تھا،  دھماکے میں میں ایک پولیس اہلکار شہید اور  3 زخمی ہوئے تھے، دھماکے میں تمام سفارت کار محفوظ رہے تھے۔

دوسری جانب صوبائی حکومت کی جانب سے تحقیقات کے لیے دو رکنی کمیٹی قائم کردی گئی ہے جس میں ایڈیشنل آئی جی انویسٹی گیشن اور  اسپیشل سیکرٹری داخلہ شامل ہیں۔

ذرائع نے بتایا کہ کمیٹی واقعے کی مختلف پہلوؤں سے تحقیقات کرے گی اور تحقیقات کے بعد تفصیلی رپورٹ بھی تیار کرکے صوبائی حکومت کو جمع کرائےگی۔

سوات میں غیر ملکی سفارت کاروں کے قافلے پر حملہ، تحقیقاتی کمیٹی قائم

صوبائی حکومت نے تحقیقات کے لیے 2 رکنی کمیٹی قائم کردی جو تفصیلی رپورٹ تیار کرے گی

سوات میں پولیس موبائل کے قریب ریموٹ کنٹرول دھماکا، اہلکار شہید

پولیس وین دس سے زائد ممالک کے سفیروں کی سکیورٹی قافلے میں شامل تھی، تمام سفیرمحفوظ رہے: پولیس