26 ستمبر ، 2024 
پاکستان
پولیس ٹیم نے اشتہاریوں کی گرفتاری رتہ کلرکہارمیں چھاپہ مارا تھا، ترجمان پولیس/ فائل فوٹو
چکوال میں پولیس مقابلے کے دوران اہلکار شہید، دو ڈاکو ہلاک
26 ستمبر ، 2024
چکوال میں ڈاکوؤں اور پولیس کے درمیان مقابلہ ہوا جس کے نتیجے میں 2 ڈاکو ہلاک ہوگئے جبکہ مقابلے میں ایک اہلکار بھی شہید ہوا۔
ترجمان پولیس کے مطابق پولیس ٹیم نے اشتہاریوں کی گرفتاری کے لیے رتہ کلرکہارمیں چھاپہ مارا تھا جہاں مقابلے کے دوران اپنے ساتھیوں کی فائرنگ سے 2 ڈاکو ہلاک ہوگئے جبکہ اس دوران فائرنگ کے تبادلے میں پولیس کا ایک جوان بھی شہید ہوا۔
ترجمان پنجاب پولیس کے مطابق ڈاکوؤں سے مقابلے میں ایلیٹ فورس کا کانسٹیبل طاہر شاہ شہید ہوا۔
ترجمان کے مطابق آئی جی پنجاب ڈاکٹرعثمان انور نے آر پی او راولپنڈی سے واقعہ کی رپورٹ طلب کرتے ہوئے کہا کہ شہید کے اہل خانہ کی کفالت پنجاب پولیس کی ذمہ داری ہے اور اس حوالے سے بھرپور تعاون کیا جائے گا۔
