برطانیہ کے مختلف ریلوے اسٹیشنوں پر سائبر حملے

برطانیہ کے مختلف ریلوے اسٹیشنوں پر سائبر حملے دیکھنے میں آئے۔

غیر ملکی میڈیا کے مطابق برطانیہ کے مختلف ریلوے اسٹیشنوں پر سائبر حملے کیے گئے۔

میڈیا رپورٹس میں بتایا گیا ہے کہ سائبر حملوں میں ریلوے اسٹیشنوں کے وائی فائی ہیک کرکے یورپ پر دہشتگرد حملے کا پیغام چلایا گیا ہے۔

لندن: نیشنل ہیلتھ سروس پر سائبر حملہ، اسپتالوں میں آپریشن سمیت مختلف پروسیجر ملتوی

نیشنل ہیلتھ سروس پر حملے میں روسی گروپ ملوث ہو سکتا ہے: برطانوی میڈیا

رپورٹس کے مطابق متاثرہ اسٹیشنوں میں لندن ہیوسٹن، مانچسٹر، پکاڈلی اور برمنگھم نیو اسٹریٹ اور گلاسگو سینٹرل بھی شامل ہیں۔

میڈیا رپورٹس کے مطابق اسٹیشنوں پر وائی فائی سے مسافر لاگ ان ہوئے تو اسکرین پر یورپ میں دہشتگرد حملے کی اطلاع ملی جس کے بعد متاثرہ اسٹیشنوں پر وائی فائی بند کردیا گیا۔

واضح رہے کہ اس سے قبل لندن میں نیشنل ہیلتھ سروس پر بھی سائبر حملے کیے جاچکے ہیں جس کے بعد اسپتالوں میں آپریشن، خون کے نمونوں کے ٹیسٹوں سمیت مختلف پروسیجرز ملتوی کردیے گئے تھے۔