اسرائیل تنازع بڑھانیوالے اقدامات سے باز رہے: ایران کے میزائل حملوں کے بعد چین کی تنبیہ

ایران کے اسرائیل پر میزائل حملوں کے بعد چین نے بھی اسرائیل کو تنبیہ کرتے ہوئے کہا کہ وہ تنازع بڑھانے والے اقدامات سے باز رہے۔

اقوام متحدہ کی سلامتی کونسل کے ہنگامی اجلاس میں چین کے مندوب نے کہا کہ مشرق وسطیٰ تنازع پر چین گہری تشویش میں مبتلا ہے، مشرق وسطیٰ ایک بڑی جنگ کے دہانے پر پہنچ گیا ہے۔

سلامتی کونسل کا ہنگامی اجلاس، امریکا کا پاسدارانِ انقلاب پر پابندی کا مطالبہ

ایران کو بھاری قیمت چکانی ہوگی، ایسے نتائج کا سامنا کرنا ہوگا جو اس کے تصور سے بھی باہر ہوں گے: اسرائیل، اسرائیل کو ہر اشتعال انگیزی کے نتائج بھگتنا ہوں گے: ایران

چینی مندوب کا کہنا تھا کہ اسرائیل کا لبنان میں داخل ہونا لبنان کی خودمختاری اور علاقائی سالمیت کی خلاف ورزی ہے، فریق ممالک اشتعال انگیز بیان بازی سے اجتناب کریں، فریقین خصوصاً اسرائیل تحمل کا مظاہرہ کرے اور  اسرائیل تنازع بڑھانے والے اقدامات سے باز رہے۔

دوسری جانب اسرائیل پر ایران کے میزائل حملوں کے بعد اقوام متحدہ کی سلامتی کونسل کے ہنگامی اجلاس میں امریکا نے پاسدارانِ انقلاب پر پابندی لگانے کا مطالبہ کیا ہے۔