شمعون عباسی نے ہمایوں سعید کو کیا مشورہ دیا؟

پاکستان کے بہترین اداکاروں میں شمار کیے جانے والے ہمایوں سعید کو  اداکار و ہدایت کار شمعون عباسی نے ڈراموں سے متعلق مشورہ دے دیا۔

شمعون عباسی نے  ایک نجی ٹی وی کے شو میں بطور مہمان شرکت کی جہاں انہوں نے انڈسٹری کے حوالے سے گفتگو کی۔

شمعون عباسی نے ہمایوں سعید کے حوالے سے گفتگو کرتے ہوئے ان کے حال ہی میں کیے گئے ڈرامے پر بات کی اور کہا کہ اب دوبارہ ایسا ڈرامہ نہیں کرنا۔

انہوں نے کہا کہ ڈرامے میں استعمال کی جانی والی زبان ہماری نہیں ہے، ہمایوں اور اداکارہ یمنیٰ زیدی کو غلط کاسٹ کیا گیا ہے۔

شمعون عباسی کا کہنا تھا کہ ڈرامے میں کراچی کے علاقے کورنگی کی بات کررہے ہیں لیکن یہ ڈرامہ کورنگی میں شوٹ ہی نہیں کیا گیا۔

انہوں نے ڈرامے کے رائٹر خلیل الرحمان قمر پر بات کرتے ہوئے کہا کہ خلیل صاحب بہت اچھا لکھتے ہیں لیکن اس ڈرامے کی اسکرپٹ میں وہ فیل ہوگئے ہیں۔