25 اکتوبر ، 2024 
دنیا کا پہلا ائیرپورٹ جسے جدید ٹیکنالوجی سے پاسپورٹ فری بنا دیا گیا
25 اکتوبر ، 2024
اگر آپ بیرون ملک سفر کرنا چاہتے ہیں تو ائیرپورٹ پر پاسپورٹ، شخصیت کی تصدیق اور دیگر مراحل کے لیے کافی وقت درکار ہوتا ہے۔
تصور کریں کہ اگر آپ کو اپنی پرواز پر پاسپورٹ، شناختی دستاویزات یا ٹکٹ دکھائے بغیر سوار ہونے کا موقع ملے تو کتنا وقت بچے گا؟
یقین کرنا مشکل ہوگا مگر دنیا میں پہلی بار ایک ائیر پورٹ میں مسافر محض 10 سیکنڈ میں امیگریشن کے تمام مراحل سے گزر سکتے ہیں۔
یہ ہے سنگاپور کا چانگی ائیر پورٹ، جہاں اب پاسپورٹ دکھانے کی ضرورت نہیں بلکہ تمام تر کام بائیو میٹرکس کے ذریعے ہوتا ہے۔
امیگریشن اینڈ چیک پوائنٹس اتھارٹی (آئی سی اے) کی جانب سے 24 اکتوبر کو جاری بیان میں بتایا گیا کہ 30 ستمبر سے چانگی ائیرپورٹ کے چاروں ٹرمینلز میں پاسپورٹ فری کلیئرنس سسٹم کا مکمل اطلاق ہوچکا ہے۔
30 ستمبر سے وہاں چہرے کو اسکین کرنے کے سسٹم کو استعمال کیا جا رہا ہے جس سے امیگریشن کے عمل کے وقت میں 60 فیصد کمی آئی۔
غیر ملکی مسافروں کو اب بھی وہاں پہنچنے پر پاسپورٹس دکھانے کی ضرورت ہے مگر واپس جاتے ہوئے ایسا کرنے کی ضرورت نہیں بلکہ بائیومیٹرکس ہی کافی ہوگا۔
15 اکتوبر تک 15 لاکھ مسافر پاسپورٹ پیش کیے بغیر امیگریشن کلیئر کرچکے تھے۔
حکام کے مطابق تمام مسافروں کو سنگاپور پہنچنے سے 3 دن قبل SG Arrival Card جمع کرانا ہوگا۔
یہ دنیا کا پہلا ائیرپورٹ ہے جہاں مسافروں کی کلیئرنس کے ایسے نظام کا اطلاق بڑے پیمانے پر کیا گیا ہے۔
اس نئے کلیرنس سسٹم کی آزمائش کافی عرصے سے کی جا رہی تھی اور اگست 2024 میں اس کا ٹرائل شروع ہوا تھا اور اب جاکر اس کا اطلاق کیا گیا ہے۔
مزید خبریں :
ایپل کے سستے ترین آئی فون کو متعارف کرانے کی ممکنہ تاریخ سامنے آگئی
24 اکتوبر ، 2024
میٹا کا واٹس ایپ میں ایک بڑی تبدیلی کرنے کا اعلان
23 اکتوبر ، 2024
ایکس (ٹوئٹر) میں ایک نئے رئیل ٹائم سرچ ٹول کا اضافہ
22 اکتوبر ، 2024
انسٹا گرام کا مقبول ترین فیچر اب واٹس ایپ کا حصہ بھی بن گیا
22 اکتوبر ، 2024
کیا اے آئی ٹیکنالوجی انسانوں کی ملازمتیں چھیننے کے قابل ہوگئی ہے؟
21 اکتوبر ، 2024
ایسا مصنوعی پودا تیار جو فضا کی صفائی کے ساتھ بجلی بھی بناتا ہے
21 اکتوبر ، 2024
