06 نومبر ، 2024 
امیتابھ نہ شاہ رخ، بالی وڈ میں سب سے پہلے رولز رائس کس کے پاس تھی؟
06 نومبر ، 2024
رولز رائس کا شمار لگژری اور مہنگی ترین گاڑیوں میں ہوتا ہے لیکن بالی وڈ میں یہ گاڑی سب سے پہلے مشہور زمانہ اداکارہ کے پاس رہی۔
بھارتی میڈیا کے مطابق بالی وڈ میں سب سے پہلے رولز رائس گاڑی نہ ہی امیتابھ بچن اور نہ ہی شاہ رخ خان کے پاس رہی بلکہ بالی وڈ اداکارہ نادرا وہ پہلی اداکارہ ہیں جن کے استعمال میں رولز رائس گاڑی رہی۔
میڈیا رپورٹس کے مطابق اداکارہ نادرا نے 1950 سے 1960 کی دہائی تک بالی وڈ پر راج کیا اور انہوں نے مہنگی گاڑی بھی 1960 کی دہائی میں خریدی تھی۔
نادرا نے 11 سال کی عمر میں بطور چائلڈ آرٹسٹ فلموں سے اپنے کیرئیر کا آغاز کیا لیکن انہوں نے 1952 میں محبوب خان کی فلم سے شہرت حاصل کی۔
اس کے علاوہ شری 420 اور دل اپنا اور پریت پرائی جیسی کامیاب فلموں سے لوگوں کی توجہ حاصل کی۔
میڈیا رپورٹس کے مطابق اُس دور میں اداکار نادرا کا شمار سب سے زیادہ معاوضہ لینے والی اداکاراؤں میں ہوتا تھا حالانکہ وہ اکثر دوسری لیڈ کا کردار ادا کرتی تھیں۔
مزید خبریں :
امریکی انتخابات: اداکارہ ریما نے کسے ووٹ دیا؟
7 گھنٹے پہلے
بالی وڈ اداکار متھن چکرورتی کی پہلی بیوی چل بسیں
05 نومبر ، 2024
بھارتی اداکارہ نے مدینہ منورہ میں نکاح کرلیا، تصاویر وائرل
05 نومبر ، 2024
