24 دسمبر ، 2024 
افغانستان کی حکومت پاکستان سے مثبت تعلقات کیلئے پر عزم ہے: افغان وزیر خارجہ
24 دسمبر ، 2024
افغان وزیر خارجہ مولوی امیرخان متقی نے کہا ہےکہ افغانستان کی حکومت پاکستان سے مثبت تعلقات کے لیے پر عزم ہے۔
افغان وزارت خارجہ کے مطابق پاکستان کے نمائندہ خصوصی برائے افغانستان محمد صادق خان نے کابل کا دورہ کیا جہاں انہوں نے افغان وزیرخارجہ مولوی امیرخان متقی سے ملاقات کی۔
افغان وزارت خارجہ کے مطابق ملاقات میں دونوں ممالک کے باہمی و سفارتی تعلقات پربات چیت ہوئی۔ ملاقات میں تجارت، راہداری اور عوامی امور پر بھی تبادلہ خیال ہوا۔
افغان وزیر خارجہ کا کہنا تھا کہ افغانستان کی حکومت پاکستان سے مثبت تعلقات کے لیے پر عزم ہے، افغانستان اور پاکستان کے درمیان تجارت اور ٹرانزٹ کے تبادلے کو مزید فروغ دیا جا سکتا ہے۔
امیر خان متقی کا کہنا تھا کہ شہریوں کے درمیان نقل و حرکت آسان بنانے کے ساتھ موجودہ مسائل کے حل کی کوشش کی جائے۔
محمد صادق خان نے افغان وزیر خارجہ کو پاکستان کے وزیر خارجہ کی جانب سے تہنیتی پیغام بھی پہنچایا۔
پاکستان کے نمائندہ خصوصی نے افغانستان اور پاکستان کے درمیان مثبت تعلقات پر زور دیا۔
صادق خان کا کہنا تھا کہ افغانستان میں سکیورٹی پاکستان اور خطے کے مفاد میں ہے، دورے کا مقصد دو طرفہ سیاسی، اقتصادی، تجارتی اور ٹرانزٹ شعبوں میں تعلقات کو مضبوط کرنا ہے۔
مزید خبریں :
شام کے شہر حماہ میں نامعلوم افراد نےکرسمس ٹری کو آگ لگادی
24 دسمبر ، 2024
سعودی عرب میں رواں سال 300 سے زائد افراد کو سزائے موت دی گئی
24 دسمبر ، 2024
ایک اورکشمیری نژاد پاکستانی برطانیہ میں لارڈ بن گیا
24 دسمبر ، 2024
ترکیہ: فیکٹری میں دھماکا خیز مواد پھٹنے سے 12 افراد ہلاک
24 دسمبر ، 2024
جنوبی کوریا میں اپوزیشن کا قائم مقام صدر کے مواخذےکا بھی اعلان
24 دسمبر ، 2024
