28 دسمبر ، 2024 
سرگودھا سے 3 ماہ قبل اغوا 2 طالبات بیرون ملک لڑکیاں فروخت کرنیوالےگروہ سے بازیاب
28 دسمبر ، 2024
سرگودھا سے 3 ماہ قبل مبینہ طورپراغوا کی گئیں دو لڑکیوں کو بازیاب کروالیا گیا۔
ڈسٹرکٹ پولیس آفیسر ڈاکٹر اسد اعجاز ملہی نے پریس کانفرنس کے دوران بتایا کہ سیکنڈائیر کی دونوں طالبات کو بیرونی ملک فروخت کرنے والے گروہ سے بازیاب کراکر مرکزی ملزم کو گرفتار کرلیا ہے۔
ڈی پی او اسد اعجاز ملہی کے مطابق 2 اکتوبر کو سرکاری کالج کی سکینڈ ائیر کی 2 طالبات پراسرار طور پر لاپتہ ہوگئی تھیں، والدین کی مدعیت میں نامعلوم افراد کے خلاف اغوا کا مقدمہ بھی درج کیا گیا تھا۔
انہوں نے بتایاکہ طالبات کی بازیابی کیلئے بلوچستان میں ایران بارڈر، سیالکوٹ، اسلام آباد، راولپنڈی اور گوجرانوالہ میں آپریشن کیا گیا، آج دونوں سہیلیوں کو لڑکیاں بیرون ملک فروخت کرنے والے گروہ سے بازیاب کرالیا گیا ہے جبکہ مرکزی ملزم کو گرفتار کر کے تفتیش کی جارہی ہے۔
ڈی پی او نے دعویٰ کیا کہ کہ مغوی لڑکیوں کو مختلف شہروں میں لے جا کر مبینہ زیادتی کا نشانہ بھی بنایا گیا، مغوی لڑکیوں کا میڈیکل کروایا جارہا ہے، واقعے کی مزید تحقیقات بھی جاری ہیں۔
پولیس حکام کے مطابق گینگ کے دیگرملزمان کی گرفتاری کے بعد مزید حقائق سامنے لائے جائیں گے۔
مزید خبریں :
کراچی کے شہریوں سے 35 کروڑ کا فراڈ کرنیوالا ملزم گرفتار
28 دسمبر ، 2024
کراچی میں پُراسرار طور پر گولی لگنے سے ایک شخص جاں بحق
28 دسمبر ، 2024
کراچی میں جائیدادکیلئے باپ کو قتل کرنیوالا سفاک بیٹا گرفتار
26 دسمبر ، 2024
