30 دسمبر ، 2024 
دنیا
فوٹو: اے ایف پی
غزہ میں اسرائیلی فوج کے حملے جاری، مزید 30 فلسطینی شہید
30 دسمبر ، 2024
اسرائیلی فوج کے غزہ میں حملے جاری ہیں، تازہ کارروائیوں میں مزید 30 فلسطینی شہید ہوگئے۔
غیر ملکی میڈیا رپورٹس کے مطابق اسرائیل نے اتوار کو چند گھنٹوں کے دوران غزہ سٹی کے 3 اسپتالوں پر حملے کیے، الوفا اسپتال پر حملے میں متعدد لوگ جھلس گئے اور کم از کم 7 فلسطینی شہید ہوئے۔
اس سے قبل جمعہ کو کمال عدوان اسپتال کو آگ لگاکر صیہونی فوج نے اسپتال ڈائریکٹر اور عملے سمیت سیکڑوں افراد کو قیدی بنالیا تھا۔
فلسطین کی وزارت صحت نے اتوار کو بتایا کہ گزشتہ 24 گھنٹوں میں غزہ پر اسرائیلی حملوں میں مجموعی طور پر 30 فلسطینی شہید ہوئے۔
وزارت صحت نے بتایا کہ 14 ماہ سے زیادہ عرصے سے اسرائیل اور حماس کے درمیان جاری جنگ کے دوران مجموعی طور پر 45،514 فلسطینی شہید ہوچکے ہیں۔
مزید خبریں :
جرمنی: سال نو کے جشن کے دوران آتش بازی سے 5 افراد ہلاک
01 جنوری ، 2025
