01 جنوری ، 2025 
جرمنی: سال نو کے جشن کے دوران آتش بازی سے 5 افراد ہلاک
01 جنوری ، 2025
جرمنی میں نئے سال کے جشن میں آتش بازی کے دوران حادثات کے نتیجے میں 5 افراد جان کی بازی ہار گئے۔
غیر ملکی میڈیا کے مطابق نارتھ رائن ویسٹ فیلیا کے قریب پیڈربورن میں ایک 24 سالہ نوجوان دیسی ساختہ پٹاخے کے قبل از وقت دھماکے سے ہلاک ہوگیا۔
پولیس کے مطابق یہ پٹاخہ نوجوان نے خود تیار کیا تھا جس سے غیر قانونی اور غیر محفوظ آتش بازی کے خطرات پر تشویش بڑھ گئی ہے۔
دیگر حادثات میں بھی گھر پر تیار کیے گئے پٹاخوں کے پھٹنے سے لوگوں کی اموات ہوئیں۔
اس سے قبل جرمن پولیس اور ڈاکٹروں کی جانب سے اپیل کی گئی تھی جس میں سیاستدانوں سے سڑکوں پر آتش بازی کرنے کی روایت پر پابندی لگانے کا مطالبہ کیا گیا تھا۔
جرمنی میں حالیہ برسوں میں سڑکوں پر آتش بازی عام ہو چکی ہے اور ماضی میں اسے تارکین وطن افراد سے جوڑا جاتا رہا ہے۔
برلن میں نئے سال کی آمد سے قبل بھی پولیس اور امدادی کارکنوں پر آتش بازی سے حملے کیے گئے اور نئے سال کے جشن کے دوران پولیس نے غیر قانونی آتش بازی کے سلسلے میں 50 سے زائد افراد کو گرفتار کیا۔
گرفتار افراد کے قبضے سے بلینک گولیاں فائر کرنے والی بندوقیں اور آتش بازی کا سامان بھی برآمد ہوا۔
مزید خبریں :
غزہ میں اسرائیلی حملوں میں تیزی، مزید 77 فلسطینی شہید ہو گئے
04 جنوری ، 2025
