03 جنوری ، 2025 
امریکا میں ہجوم پر گاڑی چڑھانے والے شخص نے افغانستان میں اسلام قبول کیا، تفصیلات سامنے آگئیں
03 جنوری ، 2025
امریکی اخبار نے نیو آرلینز میں ہجوم پر گاڑی چڑھانے والے شخص کے بارے میں اہم انکشاف کردیا۔
امریکی اخبار کا کہنا ہے کہ فائرنگ اور ہجوم پر گاڑی چڑھا کر 15 افراد کو ہلاک کرنے والا شمس الدین جبار امریکا کے عیسائی گھرانے میں پیدا ہوا اوراس کی پرورش بھی بطور عیسائی ہوئی۔
شمس الدین کے بھائی کا کہنا ہے کہ شمس الدین نے افغانستان میں ایک سال تعیناتی کے دوران اسلام قبول کیا تھا، بھائی کا اقدام بنیاد پرستی کا نتیجہ ہے جو اسلام کی نمائندگی نہیں کرتا۔
دوسری جانب نومنتخب امریکی صدر ڈونلڈ ٹرمپ نے موجودہ صدر جو بائیڈن کی امیگریشن پالیسی پر تنقید کرتے ہوئے مسلمانوں کو بھی انتہا پسند قرار دے دیا۔
ٹرمپ نے بائیڈن کو امریکی تاریخ کا بدترین صدر قرار دیتے ہوئے کہا کہ بائیڈن کی اوپن بارڈر پالیسی کی وجہ سے امریکا میں شدت پسندی اور دیگر پُرتشدد جرائم ناقابلِ یقین حد تک بڑھ گئے ہیں۔
مزید خبریں :
امریکی صدر ڈونلڈ ٹرمپ کو سزا سنانے کیلئے 10 جنوری کی تاریخ مقرر
04 جنوری ، 2025
