20 فروری ، 2025 
آسٹریلیا کے ساحل پر 150 سے زائد فالز کلر وہیلز پھنس گئیں
20 فروری ، 2025
آسٹریلیا کی ریاست تسمانیہ کے ساحل پر 150 سے زائد فالز کلر وہیلز پھنس گئیں۔
غیر ملکی میڈیا کے مطابق آسٹریلیا کے ماہرین ماحولیات نے بتایا کہ ساحل پر بڑی تعداد میں پھنسی ہوئی فالز کلر وہیلز کو دیکھا گیا ہے جنہیں ریسکیو کرنے کی کوششیں کی جارہی ہیں۔
محکمہ قدرتی وسائل اور ماحولیات نے ایک بیان میں بتایا کہ فالز کلر وہیلز تقریباً 24 سے 48 گھنٹے سے پھنسے ہوئی ہیں اور ماہرین ساحل پر موجود ہیں۔
تسمانیہ پارکس اور وائلڈ لائف سروس کے حکام کے مطابق 157 وہیل مچھلیوں میں سے صرف 90 کے زندہ ہونے کی اطلاعات سامنے آئی ہیں جب کہ ماہرین اس بات کا پتا چلانے کی کوشش کررہے ہیں کہ زندہ بچ جانے والی مچھلیاں واپس تیر سکتی ہیں یا نہیں۔
انہوں نے یہ بھی بتایا کہ وہیلز کو دوبارہ تیراکی کی جانب لانا ایک مشکل کام ہے اور اس میں ریسکیو اہلکاروں کی زندگیوں کو بھی خطرہ ہوسکتا ہے کیونکہ ساحل تک رسائی نہ ہونا، سمندر کے حالات اور دور دراز کے ساحل تک آلات کی رسائی کے چیلنجز ریسکیو عمل کو پیچیدہ بنا رہے ہیں۔
میڈیا رپورٹس کے مطابق فالزکلر وہیل ڈولفن کی ایک خطرے سے دوچار نسل ہے جو کہ کلر وہیلز سے مشابہت رکھتی ہیں اور یہ مچھلی20 فٹ لمبی اور 500 کلوگرام سے 3 میٹرک ٹن تک بڑھ سکتی ہے۔
مزید خبریں :
آسمان پر 7 سیاروں کو ایک ساتھ دیکھنا چاہتے ہیں؟
2 گھنٹے پہلے
سعودی عرب کے منفرد سیاحتی منصوبے کی تصاویر دیکھیں
5 گھنٹے پہلے
کیا آپ سرکے کے ان حیرت انگیز فوائد سے واقف ہیں؟
20 فروری ، 2025
پانی کی بوتل پر موجود رنگ برنگے ڈھکن کس جانب اشارہ کرتے ہیں؟
19 فروری ، 2025
اپارٹمنٹ میں 300 بلیوں کے بسیرے نے رہائشیوں کو مشکل میں ڈال دیا
19 فروری ، 2025
