18 فروری ، 2025 
ویڈیو: امتحان میں تاخیر پر طالب علم پیرا گلائیڈنگ کے ذریعے امتحانی مرکز پر پہنچ گیا
18 فروری ، 2025
بھارت میں ایک طالب علم نے امتحان میں تاخیر کا شکار ہونے پر سڑک کے بجائے آسمان کا راستہ اختیار کیا جس نے نہ صرف دیکھنے والوں کو حیران کیا بلکہ سب کی توجہ بھی سمیٹ لی۔
بھارتی میڈیا کے مطابق ریاست مہارشٹرا سے تعلق رکھنے والا سمرتھ مہانگڑے کالج کا طالب علم ہے جو پیرا گلائیڈنگ کے مقام Harrison Folly Point پر گنے کے جوس کا اسٹال لگاتا ہے۔
میڈیا رپورٹس کے مطابق اپنے امتحان والے دن بھی سمرتھ سیاحوں کو جوس بیچنے میں مصروف تھا جس وجہ سے اسے امتحان میں تاخیر ہوگئی اور اس نے ایک انوکھا طریقہ اپنایا جس نے دیکھنے والوں کو حیران کردیا۔
سمرتھ کا امتحان شروع ہونے میں صرف 15 سے 20 منٹ رہ گئے تھے جس پر اس نے سڑک پر ٹریفک میں پھنسنے کے بجائے آسمان کا راستہ اختیار کیا اور پیراگلائیڈنگ کا سہارا لیا۔
میڈیا رپورٹس کے مطابق طالب علم اپنے امتحانی مرکز کے قریب باحفاظت لینڈ ہوگیا جس کی ویڈیو بھی سوشل میڈیا پر وائرل ہورہی ہے۔
یہ ویڈیو وائرل ہونے کے بعد سوشل میڈیا صارفین کی جانب سے مختلف تبصروں کا سلسلہ جاری ہے۔
مزید خبریں :
کیا آپ سرکے کے ان حیرت انگیز فوائد سے واقف ہیں؟
10 گھنٹے پہلے
آسٹریلیا کے ساحل پر 150 سے زائد فالز کلر وہیلز پھنس گئیں
20 فروری ، 2025
پانی کی بوتل پر موجود رنگ برنگے ڈھکن کس جانب اشارہ کرتے ہیں؟
19 فروری ، 2025
اپارٹمنٹ میں 300 بلیوں کے بسیرے نے رہائشیوں کو مشکل میں ڈال دیا
19 فروری ، 2025
