24 فروری ، 2025 
مائیکرو سافٹ کے چیف ایگزیکٹو کا ایک اہم شعبے میں گوگل سے پیچھے رہنے کا اعتراف
24 فروری ، 2025
مائیکرو سافٹ کے چیف ایگزیکٹو (سی ای او) ستیہ نڈیلا نے اعتراف کیا ہے کہ ماضی میں ان کی کمپنی ویب سرچ میں آگے بڑھنے کے موقع سے فائدہ نہیں اٹھا سکی تھی۔
ایک انٹرویو کے دوران انہوں نے کہا کہ مائیکرو سافٹ انٹرنیٹ سرچ کی اہمیت کا اندازہ نہیں لگا سکی جو اب گوگل کا اہم ترین بزنس ٹول ہے۔
ستیہ نڈیلا نے کہا کہ 'ہم ویب کے ایک بڑے بزنس ماڈل کے موقع سے فائدہ نہیں اٹھا سکے، اس وقت کسی نے نہیں سوچا تھا کہ انٹرنیٹ سرچ کو سب سے زیادہ اہمیت حاصل ہو جائے گی'۔
انہوں نے مزید بتایا کہ 'ہم اسے نہیں دیکھ سکے مگر گوگل نے دیکھ لیا اور بہترین طریقے سے اس موقع سے فائدہ اٹھایا'۔
مائیکرو سافٹ کے سی ای او کا کہنا تھا کہ کمپنیاں اسی صورت میں دیگر سے آگے رہ سکتی ہیں جب وہ ٹیکنالوجی ٹرینڈز کو شناخت کرسکے اور اس کے مطابق کام کرسکے۔
انہوں نے بتایا کہ 'جو اہم سبق میں نے سیکھا کہ صرف ٹیکنالوجی ٹرینڈ پر ہی توجہ مرکوز نہیں کرنی بلکہ یہ سمجھنا بھی ضروری ہے کہ یہ کیوں ضروری ہے، یہ بزنس ماڈلز اکثر چیلنجنگ ہوتے ہیں'۔
انہوں نے مزید بتایا کہ آرٹی فیشل انٹیلی جنس (اے آئی) اور کلاؤڈ کمپیوٹنگ جیسے شعبوں میں کوئی ایک کمپنی سب کچھ حاصل نہیں کرسکتی۔
ستیہ نڈیلا کے مطابق یہی وجہ ہے کہ ہم اے آئی ٹیکنالوجی پر توجہ مرکوز کر کے دوسروں سے آگے رہنے کی کوشش کر رہے ہیں۔
انہوں نے کہا کہ اوریکل اور دیگر کمپنیوں سے مسابقت کے تجربے سے انہیں یہ اندازہ ہوا کہ خریدار اجارہ داری کو برداشت نہیں کرتے۔
مزید خبریں :
چاند کی سطح پر پانی کی تلاش کے لیے غیرمعمولی خلائی مشن
23 فروری ، 2025
گوگل کا کم قیمت یوٹیوب پریمئم لائٹ متعارف کرانے کا فیصلہ
21 فروری ، 2025
بل گیٹس کو زندگی کے کس اہم فیصلے پر اب پچھتاوا ہوتا ہے؟
21 فروری ، 2025
واٹس ایپ کا وہ بہترین نیا فیچر جسکی کمی سب محسوس کرتے ہیں
20 فروری ، 2025
