20 فروری ، 2025 
ایکس کے نئے اے آئی چیٹ بوٹ گروک 3 کو آپ مختصر وقت تک مفت استعمال کرسکتے ہیں
20 فروری ، 2025
ایلون مسک کی کمپنی ایکس اے آئی نے گزشتہ دنوں نیا آرٹی فیشل انٹیلی جنس (اے آئی) ماڈل گروک 3 متعارف کرایا تھا۔
اس موقع پر ایلون مسک نے دعویٰ کیا تھا کہ یہ اب تک دنیا میں متعارف کرائے جانے والا سب سے اسمارٹ اے آئی چیٹ بوٹ ہے، جس کا مقابلہ دیگر چیٹ بوٹس نہیں کرسکتے۔
کمپنی کے مطابق یہ نیا اے آئی چیٹ بوٹ ہر ماہ 40 ڈالرز فیس ادا کرنے والے ایکس کے پریمیئم پلس صارفین کو دستیاب ہوگا۔
مگر اب آپ مختصر وقت کے لیے گروک 3 کو مفت استعمال کرسکتے ہیں۔
اس بات کا اعلان ایکس اے آئی کے بانی ایلون مسک نے ایک ایکس پوسٹ میں کیا۔
البتہ انہوں نے یہ واضح نہیں کیا کہ یہ مختصر وقت درحقیقت کتنے دنوں یا گھنٹوں پر مشتمل ہے۔
جب آپ ایکس ایپ پر گروک پر کلک کریں گے یا ویب ورژن پر اسے استعمال کریں گے تو ایک ایپ لانچ ہوگی جس میں آپ نئے تھنک اور ڈیپ سرچ کے آپشنز دیکھ سکتے ہیں۔
البتہ آپ کو ڈراپ ڈاؤن مینیو میں جاکر اس بات کو یقینی بنانا ہوگا کہ آپ گروک 2 نہیں بلکہ گروک 3 استعمال کر رہے ہیں۔
مفت صارفین کو گروک 3 میں محدود فیچرز دستیاب ہوں گے۔
ایکس اے آئی کے مطابق تھنک آپشن انسانوں جیسی منطق ظاہر کرنے کی صلاحیت رکھتا ہے جس سے آپ پیچیدہ سوالات پوچھ سکتے ہیں۔
اسی طرح ڈیپ سرچ کو کمپنی کی جانب سے اگلی نسل کا سرچ انجن قرار دیا گیا ہے جو کہ تحقیقی انکوائریز کی سمریز تیار کرسکتا ہے۔
مزید خبریں :
واٹس ایپ کا وہ بہترین نیا فیچر جسکی کمی سب محسوس کرتے ہیں
20 فروری ، 2025
مائیکرو سافٹ کا دنیا کی پہلی کوانٹم چپ تیار کرنے کا دعویٰ
20 فروری ، 2025
ایپل کی آئی فون 16 سیریز کا سستا ترین فون متعارف
20 فروری ، 2025
فیس بک کا لائیو ویڈیوز کے حوالے سے ایک اہم تبدیلی کرنیکا اعلان
19 فروری ، 2025
دنیا کا سب سے پتلا اسمارٹ فون دیکھنے میں کیسا ہوگا؟
19 فروری ، 2025
