25 فروری ، 2025 
ماں بننے کیلئے شوہر سے 33 کروڑ روپے مانگنے والی خاتون کون ہیں؟
25 فروری ، 2025
ماں بننا کسی بھی خاتون کے لیے دنیا کا سب سے خوبصورت لمحہ ہوتا ہے اور ماں بننے والی خاتون اس کو انمول تحفہ سمجھتی ہے لیکن ایک خاتون ایسی بھی ہے جس نے اپنے ماں بننے کو بڑے مالی فائدے کے لیے استعمال کیا۔
حال ہی میں بھارتی میڈیا پر دبئی میں مقیم ایک ایسی ہی خاتون کی کہانی نے قارئین کو چونکا دیا ہے۔
بھارتی میڈیا کے مطابق ملائیکہ راجہ برطانیہ کی رہائشی ہیں جو اب اپنے کروڑ پتی شوہر اور 2 بچوں کے ساتھ دبئی میں مقیم ہیں، ملائیکہ کی اپنی شوہر سے پہلی ملاقات 2017 میں ہوئی تھی جس کے بعد دونوں کی شادی ہوگئی۔
ملائیکہ راجہ بغیر ہچکچاہٹ اعتراف کرتی ہیں کہ انہوں نے پیسوں کے لیے شادی کی، شادی کے بعد انہوں نے اپنے شوہر کو واضح طور بتا دیا تھا کہ وہ اس وقت تک ماں نہیں بنیں گی جب تک وہ بچے اور ماں کے ’مالی تحفظ ‘ یقینی نہیں بناتے۔
بھارتی میڈیا کے مطابق ملائیکہ راجہ نے انکشاف کیا ہےکہ انہوں نے اپنےکروڑ پتی شوہر سے بچے پیدا کرنے کے لیے 33 کروڑ بھارتی روپے کا مطالبہ کیا اور ان کے شوہر نے چہرے پر شکن لائے بغیر رقم کی ادائیگی کی۔
ملائیکہ کا بتانا ہےکہ شوہر سے ملنے والے پیسوں کو انہوں نے اپنے اور اپنے بچوں کے لیے پرتعیش اشیاء کی خریداری پر خرچ کیا، اس رقم سے ملائیکہ نے 15 کروڑ روپے کا ایک شاندار گھر خریدا، تقریباً 86 لاکھ روپے مالیت کے 8 ڈیزائنر بیگز، 70 لاکھ کے لگژری زیورات اور اپنی بیٹی کیلئے ڈیزائنر لباس خریدے۔
اس کے علاوہ انہوں نے اپنی صحت کی دیکھ بھال پر بھی 70 لاکھ روپے خرچ کیے۔
مزید خبریں :
ایک دلچسپ نشانی جو شریک حیات سے مضبوط تعلق کا اظہار کرتی ہے
24 فروری ، 2025
آخر فروری وہ واحد مہینہ کیوں ہے جو صرف 28 دنوں کا ہوتا ہے؟
23 فروری ، 2025
آسمان پر 7 سیاروں کو ایک ساتھ دیکھنا چاہتے ہیں؟
21 فروری ، 2025
سعودی عرب کے منفرد سیاحتی منصوبے کی تصاویر دیکھیں
21 فروری ، 2025
