02 مارچ ، 2025 
پاکستان
فوٹو: فائل
کراچی کے مختلف علاقوں میں افطار کے وقت گیس کی فراہمی معطل، شہریوں کو مشکلات کا سامنا
02 مارچ ، 2025
کراچی کے مختلف علاقوں میں افطار کے وقت گیس کی فراہمی معطل ہونے سے شہریوں کو مشکلات کا سامنا کرنا پڑرہا ہے۔
کراچی کے علاقے لیاقت آباد بی ایریا، لیاقت آباد 4 نمبر، فیڈرل کیپٹل ایریا اور نارتھ ناظم آباد میں گیس بند ہے۔
ناظم آبادکے مختلف علاقوں، پی آئی بی اور گلشن اقبال کے مختلف بلاکس میں بھی گیس کی فراہمی معطل ہے۔
دوسری جانب سوئی سدرن گیس کے ترجمان نے گیس بند ہونے سے متعلق دعوے کی تردید کی ہے۔
ترجمان سوئی سدرن گیس کا کہنا ہے کہ گیس کی فراہمی معمول کے مطابق ہے، 95 فیصد علاقوں میں گیس دی جارہی ہے،5 فیصد علاقوں میں شکایات ہیں۔
