27 مارچ ، 2025 
امریکا نے قطرکو 2 ارب ڈالر مالیت کے جدید ڈرونز اور ہتھیار فروخت کرنے کی منظوری دیدی
27 مارچ ، 2025
امریکا نے قطر کو جدید دفاعی سازوسامان فروخت کرنے کی منظوری دے دی ہے، یہ معاہدہ لگ بھگ 2 ارب ڈالر مالیت کا ہے۔
امریکی ادارے ڈیفنس سکیورٹی کو آپریشن ایجنسی (DSCA) کے مطابق معاہدے میں 8 ،MQ-9B ڈرونز، 500 پاؤنڈ وزنی بم، ریڈار، سیٹلائٹ کمیونیکیشن اور ٹارگٹنگ سسٹمز شامل ہیں جن کی اصل مالیت 1.96 ارب ڈالر ہے۔
قطر کو اس سازوسامان کے مؤثر استعمال کے لیے امریکا تربیت اور تکنیکی مدد فراہم کی جائے گی۔
امریکی حکام کے مطابق یہ معاہدہ قطر کی دفاعی صلاحیت کو مضبوط بنائے گا۔ یہ قطر کو درپیش خطرات کے تدارک میں نگرانی کی صلاحیت کو بہتر کرے گا۔ فوجی آلات خاص طور پر قطر کی سرزمین کے تحفظ اور سکیورٹی کے لیے استعمال ہوں گے۔
امریکا نے خطے کے دیگر ممالک کو یقین دلایا کہ یہ معاہدہ خطے کے فوجی توازن کو متاثر نہیں کرے گا۔
اس معاہدے میں امریکا کے دو اہم دفاعی ادارے جنرل ایٹامکس اور لاک ہیڈ مارٹن شامل ہیں جو سازوسامان فراہم کریں گے۔
مزید خبریں :
برطانیہ میں گھڑیاں ایک گھنٹہ آگے کیوں کی گئی ہیں؟
2 گھنٹے پہلے
روس کے یوکرین پر ڈرون حملے، 4 افراد ہلاک
11 گھنٹے پہلے
اترپردیش میں ہولی کے رنگ نا لگوانے پر مسلمان شہری قتل
11 گھنٹے پہلے
