16 مارچ ، 2013 
چین: مرغی نے 200 گرام کا انڈہ دے کر لوگوں کو حیران کردیا
16 مارچ ، 2013
بیجنگ … چین میں ایک مرغی نے 200 گرام کے انڈے دے کر لوگوں کو حیران کردیا۔ چین کے صوبے گوژ ہوکے شہر بی جی میں مرغی نے انوکھے انڈے دینا شروع کردیئے، یہ انڈے دوسرے انڈوں کی نسبت تھوڑے بڑے ہیں۔ انڈے کے غیر معمولی سائز کی وجہ سے مرغی کا مالک تعجب میں پڑگیا۔ اس نے اپنے دوستوں کو ان عجیب الخلقت انڈوں کے بارے میں بتایا، تجسس کے مارے لوگوں نے جب ایک انڈے کو پیالے میں رکھ کر توڑا تو ایک اور دلچسپ بات معلوم ہوئی۔ اس انڈے کے اندر سے 2 زردیاں نکلیں۔ بات یہیں ختم نہیں ہوئی، بلکہ اس انڈے کے اندر ایک اور انڈا بھی موجود تھا۔ قدرت کے اس انوکھے کرشمے کو دیکھ کر لوگ حیران رہ گئے۔ مرغی کے مالک نے بتایا کہ یہ مرغی اب تک 5 بڑے سائز کے انڈے دے چکی ہے جبکہ اس مرغی کی خوراک میں چاول بھی شامل ہوتے ہیں۔
مزید خبریں :
دولت مند بننے کیلئے کن عادتوں کو اپنانا ضروری ہے؟
20 جون ، 2025
وہ جزیرہ جہاں دنیا کی پہلی اے آئی حکومت قائم کی گئی ہے
19 جون ، 2025
برطانیہ میں ایک صدی بعد نایاب جنگلی آرکڈ دیکھا گیا
14 جون ، 2025
