17 مارچ ، 2013 
بلوچستان اسمبلی تحلیل کرنے کی ایڈوائس 19 مارچ کو بھیج دونگا، اسلم رئیسانی
17 مارچ ، 2013
کوئٹہ … وزیراعلیٰ بلوچستان نواب اسلم رئیسانی کا کہنا ہے کہ نگراں سیٹ اپ کیلئے تمام اتحادی جماعتوں سے مشاورت کا عمل جاری ہے اور وہ 19 مارچ کو بلوچستان اسمبلی تحلیل کرنے کی ایڈوائس گورنر کو بھجوادیں گے۔ یہ باتیں وزیراعلیٰ بلوچستان نواب اسلم رئیسانی سے کوئٹہ میں میڈیا کے نمائندوں سے بات چیت میں کہیں۔ نواب اسلم رئیسانی کا کہنا تھا کہ ان کی حکومت کو امن وامان کی صورتحال کا بہانہ بناکر ختم کیا گیا۔ گوادر پورٹ کے حوالے سے ان کا کہنا تھا کہ گوادر پورٹ کا انتظام بلوچستان حکومت کی مرضی کے خلاف چین کے حوالے کیاگیا، گوادر پورٹ اتھارٹی کا چیئرمین وزیراعلیٰ بلوچستان کو ہونا چاہئے تھا اور 18ویں ترمیم کے بعد گوادر پورٹ کا اختیار بھی صوبے کا ہونا چاہئے جبکہ میر ی حکومت کو برطرف کرکے اب ریکوڈک کا سودا کیاجارہا ہے۔
مزید خبریں :
گوادر میں زلزلےکے جھٹکے، شدت 4.9 ریکارڈ
14 جون ، 2025
رواں سال حج کے دوران کتنے پاکستانی وفات پاگئے؟
14 جون ، 2025
مسلم دنیا متحد نہ ہوئی تو سب کی باری آئے گی: خواجہ آصف
14 جون ، 2025
