پاکستان
03 مارچ ، 2012
03 مارچ ، 2012 
مہاجر قومی موومنٹ کی سی ای سی کے رکن سمیت 4 افراد متحدہ میں شامل
03 مارچ ، 2012
کراچی … مہاجر قومی موومنٹ کی سینٹرل ایگزیکٹو کمیٹی کے رکن محمد رئیس نے 3 ساتھیوں کے ہمراہ متحدہ قومی موومنٹ میں شمولیت کا اعلان کردیا ہے۔ یہ اعلان انہوں نے کراچی پریس کلب میں پریس کانفرنس سے خطاب کرتے ہوئے کیا۔ محمد رئیس نے کہا کہ مہاجر قومی موومنٹ کے چیئرمین آفاق احمد کی پالیسیوں سے اختلافات کی بنا، پر انہوں نے علیحدگی اختیار کی۔ انہوں نے کہا کہ متحدہ قومی موومنٹ میں بطور کارکن کام کرنے کی امید رکھتے ہیں اور حق پرست تحریک کو کامیاب بنانے کے لئے بھرپور جدوجہد کریں گے۔ شمولیت اختیار کرنے والوں نے کہا کہ متحدہ قومی موومنٹ اور الطاف حسین ہی حقیقی معنوں میں مظلوموں کے ترجمان ہیں۔
