12 اپریل ، 2013 
کراچی میں ووٹر لسٹوں کی چھپائی کیخلاف درخواست کی سماعت پیر تک ملتوی
12 اپریل ، 2013
کراچی…سندھ ہائی کورٹ نے کراچی میں نئی حلقہ بندیوں پر فیصلہ آنے تک متعلقہ حلقوں کی ووٹر فہرستوں کی چھپائی موخر کرنے کی ایم کیو ایم کی درخوا ست کی سماعت پیر تک کے لیے ملتوی کردی گئی۔متحدہ قومی موومنٹ کی جانب سے کراچی میں نئی حلقہ بندیوں سے متعلق فیصلہ آنے تک ان حلقوں کی ووٹر لسٹوں کی چھپائی رکوانے کے لئے درخواست دائر کی تھی۔ متعلقہ حلقوں کی ووٹر فہرستوں کی چھپائی موخر کرنے کی درخواست متحدہ قومی موومنٹ کے وکیل فروغ نسیم نے دائر کی۔ سندھ ہائی کورٹ نے الیکشن کمیشن سے ووٹر لسٹوں کی پرنٹنگ سے متعلق تفصیلات طلب کرلی ہیں۔ عدالت نے کہا کہ قومی خزانے کو نقصان سے بچاناچاہتے ہیں، بتایا جائے کہ انتخابی فہرستوں کی پرنٹنگ شروع کردی گئی ہے یا نہیں۔ عدالت نے ووٹر لسٹوں کی چھپائی کے خلاف درخواست کی سماعت پیر تک ملتوی کردی۔
مزید خبریں :
کراچی: راشد منہاس روڈ پر شاپنگ مال میں آگ لگ گئی
12 گھنٹے پہلے
پاکستانی وفد کا دورہ یورپ، حاصل کیا ہوا؟
17 جون ، 2025
