14 جولائی ، 2013 
سعودی عرب کابزرگوں، بیماروں کو حج اورعمرے کا ویزا نہ دینے کااعلان
14 جولائی ، 2013
ریاض…سعودی عرب نے بزرگوں،بچوں، حاملہ خواتین اور پرانی بیماریوں میں مبتلا افراد کو اس سال عمرے اور حج کے لیے ویزانہ دینے کااعلان کیاہے۔اس کی وجہ ان افرادکوخطرناک سانس کی بیماری کوروناوائرس سے بچاناہے۔سعودی وزارت صحت کے ترجمان کا کہنا ہے کہ نیاقانون اس برس حج اوراس کے بعد عمرہ سیزن پرلاگوہوگا۔اس بارے میں دنیابھرمیں موجود سعودی مشنزسختی سے ان ہدایات پرعمل کریں گے۔ترجمان کے مطابق کورونا وائرس کی وجہ سے معمر اور شدید بیمار افراد کو خطرات لاحق ہوسکتے ہیں۔ معمر افرادکے علاوہ دل کیامراض،گردوں کی بیماری،ذیابطیس اور سانس کے مریضوں کو بھی اس سال حج اورعمریکے ویزے نہیں دیے جائیں گے۔اس کے علاوہ حاملہ خواتین اور چھوٹے بچوں کوبھی ویزے جاری نہیں ہوں گے۔مڈل ایسٹ ریسپائریٹری سنڈروم نامی اس وائرس سے پھیپھڑے متاثر ہوتے ہیں۔سعودی عرب میں ایم ای آر ایس کورونا وائرس سے اب تک 66 افراد متاثر ہوئے ہیں اور 38 افراد اس وائرس کی وجہ سے انتقال کرچکے ہیں۔
مزید خبریں :
