16 مارچ ، 2012 
لاہور:گھر سے زنجیروں میں جکڑی دو خواتین بازیاب
16 مارچ ، 2012
لاہور. .. . پولس نے لاہور کے علاقے غازی آباد میں ایک گھر سے زنجیروں میں جکڑی دو خواتین کو بازیاب کرا لیا ہے۔ دونوں خواتین، ملزم اور پولیس کے بیانات میں تضاد نے معاملے کو مزید مشکوک بنا دیا ہے۔ اہلِ محلہ کے مطابق ملزم اظہرجاوید نے اپنی اہلیہ شمیم اختراورچودہ سالہ بھانجی امبرکوایک سال سے گھر میں زنجیروں میں جکڑ رکھا تھا۔پولیس نے اطلاع ملنے پر چھاپامار کر دونوں کو بازیاب کر الیا اور ملزم کو گرفتار کرکے مقدمہ درج کر لیا۔شمیم اختر کے مطابق اسے شوہرنے قید کر رکھا تھا۔ بھانجی امبر نے الزام لگایا کہ شمیم اختر نے اسے باندھ رکھا تھا۔جبکہ ملزم اظہر کا کہنا تھا کہ دونوں بھاگ جاتی تھیں،اس لئے گھرسے نہیں جانے دیتا تھا۔پولیس کا کہنا ہے کہ ابھی وہ کچھ نہیں کہہ سکتے،تفتیش ہوگی تو اصل صورتحال سامنے آجائے گی۔
