08 اکتوبر ، 2013 
جرائم پیشہ افراد کے سربراہان کیخلاف کارروائی کی ضرورت ہے، ڈی جی رینجرز
08 اکتوبر ، 2013
کراچی…ڈی جی رینجرز سندھ میجر جنرل رضوان اختر نے کہا ہے کہ دہشت گردی کے خلاف قوانین پر کام ہورہا ہے،اگر قوانین نہ بنے تو آپریشن کامیاب نہیں ہوسکتا، دہشت گردوں کو سزائیں دلوانی شروع کردیں تو حالات بہتر ہونے لگیں گے، آپریشن کے اگلے مرحلے میں مزید تیزی ہوگی۔جیو نیوز کے پروگرام آج کامران خان کے ساتھ میں گفتگو کرتے ہوئے ڈی جی رینجرز سندھ میجر جنرل رضوان اختر کا کہنا تھا کہ رینجرز اور پولیس کے درمیان رابطے کی صورتحال بہت بہتر ہے، بھتے کی شکایات میں بتدریج کمی آئے گی، لیکن کراچی کے حالات کی بنیاد کو ختم کیے بغیر صورتحال بہترنہیں ہوگی، جرائم پیشہ افراد کے سربراہان کے خلاف کارروائی کی ضرورت ہے، انٹیلی جنس ایجنسیوں کی جانب سے معلومات فراہم کی جارہی ہیں کارروائی کے لئے کسی جانب سے کوئی دباوٴ نہیں،جرائم پیشہ عناصر کے خلاف آپریشن جاری رکھیں گے۔
مزید خبریں :
