23 مارچ ، 2012 
لیاری میدان جنگ ،پولیس اور مشتعل مظاہرین کے درمیان جھڑپیں
23 مارچ ، 2012
کراچی… کراچی کے علاقے لیاری میں لی مارکیٹ چوک میدان جنگ بن گیا،جہاں رات بارہ بجے سے شرپسند عناصر اور پولیس کے درمیان ہوائی فائرنگ اور آنسو گیس شیلنگ کی آنکھ مچولی کا سلسلہ جاری ہے ،کراچی میں لیاری کے مختلف علاقوں نیا آباد،دریا آباد،لی مارکیٹ چوک،آٹھ چوک اوراطراف کے علاقوں میں پولیس کی گینگ وار اور دیگر جرائم پیشہ افراد کے خلاف کارروائی پر علاقہ مکینوں نے شدید احتجاج اور جلاوٴ گھیراوٴکیا۔اس دوران سب سے متاثر ہونے والا علاقہ لی مارکیٹ چوک رہا جہاں شرپسند افراداور پولیس کے درمیان فائرنگ کے نتیجے میں علاقہ میدان جنگ کا منظر پیش کررہا ہے۔مشتعل افراد نے پولیس کی گاڑیوں پر پیٹرول بموں سے بھی حملے کئے جبکہ پولیس کی جانب سے مشتعل افراد کو منتشر کرنے کے لئے شیلنگ بھی کی جارہی ہے۔کشیدہ صورتحال کے باعث علاقے کی دکانیں اور کاروباری مراکز بند ہیں اس سے قبل نیاآباد کے علاقے میں جلاوٴ گھیراوٴ کے الزام میں پولیس نے دس سے ذائد افراد کو حراست میں لے لیا۔
مزید خبریں :
پاکستان اور بھارت کے درمیان سندھ طاس معاہدہ کیا ہے؟
1 گھنٹے پہلے
بھارت کی سفارتی جارحیت پر پاکستانی دفتر خارجہ متحرک
3 گھنٹے پہلے
