13 فروری ، 2014 
امریکا میں برفباری سے ساڑھے 3لاکھ سے زائد افراد بجلی سے محروم
13 فروری ، 2014
واشنگٹن…امریکی جنوب مشرقی ریاستوں میں ایک بار پھر شدید برف باری سے نظام زندگی مفلوج ہوگیا ہے، لاکھوں افراد بجلی سے محروم ہیں جبکہ ہزاروں پروازیں منسوخ کردی گئیں اور سیکڑوں تاخیر کا شکار ہیں۔ شدید برف باری نے کولمبیا،شمالی اور جنوبی کیرولائنا کو ایک بار پھر جما دیا ہے،مختلف شہروں میں آٹھ سے نو فٹ تک برف پڑ چکی ہے، ساڑھے تین لاکھ سے زائد افراد بجلی سے محروم ہیں۔جنوب مشرقی ریاستوں میں برفانی طوفان سے زمینی اور فضائی راستے بند اور 3 ہزار کے قریب پروازیں منسوخ کردی گئیں ہیں ،جنوبی کیرولائنا اور جارجیا میں بیس کوریڈور شدید متاثر ہوئے ہیں اورسیکڑوں ٹریفک حادثات پیش آئے ہیں، متعدد جنوبی ریاستوں میں ایمرجنسی کے اعلان کے بعد تعلیمی ادارے، کاروبار اور دفاتر بند کر دیئے گئے ہیں اور لوگوں کو گھروں میں رہنے کی ہدایت کی گئی ہے،برفانی طوفان کا سلسلہ شمال مشرقی ریاستوں کی جانب بڑھ رہا ہے۔
مزید خبریں :
