08 مارچ ، 2014 
سانحہ کچہری اسلام آباد کی جے آئی ٹی رپورٹ
08 مارچ ، 2014
اسلام آباد…سانحہ کچہری اسلام آباد کی انکوائری کرنے والی تحقیقاتی ٹیم نے اپنی رپورٹ جاری کردی ہے، رپورٹ کے مطابق ایڈیشنل سیشن جج رفاقت اعوان اپنے ہی پولیس گارڈ کی فائرنگ سے شہید ہوئے۔ایس ایس پی اسلام آباد ڈاکٹر رضوان کی سربراہی میں قائم جے آئی ٹی کی رپورٹ کے مطابق جج رفاقت اعوان کو گارڈ کے ریوالور کی دو گولیاں لگیں، ریوالوراور گولیوں کا فارنزک معائنہ کیا جارہا ہے، رپورٹ کے مطابق جج کے چیمبر میں گلاشنکوف کی گولی فائر ہونے کا کوئی ثبوت نہیں ملا، مقتول جج کے گارڈ بابر نے گزشتہ روز انسداد دہشت گردی عدالت میں ان الزامات کی تردید کی، اس نے بیان دیا کہ وہ بے گناہ ہے، تاہم عدالت نے مزید تفتیش کے لئے گارڈ کو تین روزہ ریمانڈ پر پولیس کے حوالے کرتے ہوئے 10 مارچ کو دوبارہ عدالت پیش کرنے کا حکم دیدیا ہے۔
مزید خبریں :
ایران اور عراق میں ہزاروں پاکستانی پھنس گئے
15 جون ، 2025
کراچی میں بارش کب ہوگی؟ محکمہ موسمیات نے پیشگوئی کردی
15 جون ، 2025
