06 اپریل ، 2012 
کراچی : برانڈ ڈ گھی و تیل کا 5 لیٹرڈبہ 995 روپے کی سطح پر
06 اپریل ، 2012
کراچی…پیٹرول و ڈیزل کے بعد گھی و تیل کی قیمتوں میں اضافے نے مہنگائی کی آگ کو مزید بھڑکادیا ،کراچی میں ریٹیل سطح پر برانڈ ڈ گھی و تیل کا 5 لیٹر کا ڈبہ 995 روپے کی سطح پر پہنچ گیا۔ریٹیلرز گروسرز الائنس کے ترجمان فاروق میمن نے جیو نیوز کو بتایا کہ برانڈڈ تیل کے علاو ہ ہول سیل سطح پر 16 لیٹر تیل کا کنستر 80 روپے اضافے کے ساتھ 2720 روپے کی سطح پر پہنچ گیا ہے۔ان کا کہنا تھا کہ ریٹیل سطح پر فی لیٹر تیل کا پاوچ 194 سے بڑھ کر 199 روپے کی سطح پر آگیا۔انڈسٹری ذرائع کے مطابق بین الاقوامی سطح پر خام پام آئل کی قیمت 1169 ڈالر فی ٹن کی سطح پر آچکی ہیں جو 13 ماہ کی بلند ترین سطح ہے اور قیمتوں میں اضافے کے اثرات مقامی سطح پر دیکھے جارہے ہیں۔دوسری جانب عوام کاکہنا ہے کہ تیل کے درآمدکنندگان بین الاقوامی سطح پر قیمتوں میں اضافے کو یکدم منتقل کر دیتے ہیں جبکہ قیمتوں میں کمی کے فائدے کی عوام منتظر ہی رہتی ہے۔
مزید خبریں :
ملک میں سونے کی قیمت مزید کم ہوگئی
9 گھنٹے پہلے
پاکستان نے چین سے مزید 10 ارب یوان کی درخواست کر دی
27 اپریل ، 2025
9 ماہ میں بجلی کی تقسیم کار کمپنیوں نے 143 ارب روپے کا نقصان کیا
26 اپریل ، 2025
سونے کی قیمت مزید کم ہوگئی
25 اپریل ، 2025
