10 اپریل ، 2012 
سیاچن میں اگلے 48 گھنٹوں میں مزید برف باری کا امکان
10 اپریل ، 2012
اسلام آباد…بالائی علاقوں میں گرج چمک کے ساتھ بارش کا سلسلہ وقفے وقفے سے جاری ہے جب کہ سیاچن میں اگلے 48 گھنٹے میں مزید برف باری کا امکان ہے جس سے فلائنگ آپریشن متاثر ہونے کا خدشہ ہے۔محکمہ موسمیات کے مطابق گلگت اسکردو سمیت شمالی علاقوں میں گرج چمک کے ساتھ مزید بارش کا امکان ہے جب کہ سیاچن میں برفباری جاری ہے۔ کاکول میں اب تک سب سے زیادہ 38 ملی میٹر بارش ریکارڈ کی گئی۔اگلے چوبیس گھنٹوں میں بالائی پنجاب ، بالائی خیبر پختونخوا ، قلات ڈویژن ، کشمیر اور گلگت بلتستان میں مزید بارش کا امکان ہے۔ سندھ میں گرمی کی شدت برقرار ہے،نواب شاہ 43 ڈگری کے ساتھ گرم ترین مقام رہا۔حیدر آباد 42، لاڑکانہ ، چھور اور مٹھی میں درجہ حرارت 41 رہا۔کراچی 37 ،لاہور 33 ،پشاور ، اسلام آباد 30 اور کوئٹہ میں درجہ حرارت 26 ڈگری سینٹی گریڈ ریکارڈ کیا گیا۔
مزید خبریں :
سینیٹ نے قومی کمیشن برائے اقلیت کا بل منظور کرلیا
4 گھنٹے پہلے
