22 اپریل ، 2012 
معین اختر کو مداحوں سے بچھڑے ایک برس بیت گیا
22 اپریل ، 2012
کراچی…اپنی منفرد اداکاری سے لوگوں کے دلوں پر راج کرنے والے ورسٹائل فنکار معین اختر کو اپنے چاہنے والوں سے بچھڑے ایک سال ہوگیا۔24دسمبر 1950ء کو کراچی میں پیدا ہونے والے معین اختر کی وجہٴ شہرت کسی ایک شعبے کی مرہون منت نہیں تھی۔ وہ فن کی دنیا کے بے تاج بادشاہ تھے۔ بحیثیت اداکار، گلوکار، صداکار، مصنف، میزبان اور ہدایت کار معین اختر نے اپنی صلاحیتوں کا لوہا منوایا۔ انہوں نے عمر شریف کے ڈرامے”بکرا قسطوں پر“کو اپنی اداکاری سے بامِ عروج پر پہنچایا۔ ان کے مشہورٹی وی ڈراموں میں روزی، آنگن ٹیڑھا، انتظار فرمائیے، ہاف پلیٹ، عید ٹرین نمایاں رہے۔ کامیڈی شو اسٹوڈیو ٹو، اسٹوڈیو ڈھائی، شو ٹائم اور یَس سَر نو سَر میں اپنے برجستہ جملوں سے انہوں نے خوب داد سمیٹی۔ فلموں میں بھی انہوں نے خوب جوہر دکھائے۔ صدارتی تمغہ برائے حسن کارکردگی سمیت انہیں قومی اور بین الاقوامی سطح پر کئی ایوارڈ سے نوازا گیا۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
شاہ رخ نہ سلمان، بھارت میں سب سے مقبول اداکار کون؟ فہرست جاری
21 نومبر ، 2024
