لاس اینجلس …آنجہانی پاپ اسٹار مائیکل جیکسن کو اس دنیا سے رخصت ہوئے پونے تین سال ہوچکے ہیں لیکن اپنے مداحوں کے دلوں میں وہ آج بھی زندہ ہیں ۔اور آج بھی انکے گانے سننے کے لیے بیتاب نظر آتے ہیں۔انہی تمام مداحوں کے لیے تازہ ترین خوشخبری یہ ہے کہ بہت جلد مائیکل جیکسن اپنے بھائیوں کیساتھ جیکسن فائیو کنسرٹ میں پرفارم کرتے نظر آئینگے۔یہاں حیران ہونے کی کوئی ضرورت نہیں کیونکہ مائیکل جیکسن ناہی دوبارہ زندہ ہونگے اور نہ ہی انکا کوئی ہم شکل سامنے آیا ہے بلکہ یہ سب انکی ہولو گرافک شبیہ کے ذریعے کیا جائیگا۔جی بالکل ٹھیک سنا آپ نے ،حال ہی میں آنجہانی ریپرTupac Shakurکی ہولوگرام کی شکل میں پرفارمنس کے بعد مائیکل کے بھائی جیکی جیکسن نے اس خیال کو عملی جامہ پہنانے کا عندیہ دے دیا ہے۔1984کے وکٹری ٹور کے تقریباً 28سال بعد پہلی بار ایک ساتھ جیکسن بھائی یونٹی ٹور2012کے نام سے دنیا بھر کے27ممالک میں پرفارم کرنے جارہے ہیں جن کا کہنا کہ عین ممکن ہے اگلے سال اسی طرح کے یونٹی ٹور میں مائیکل جیکسن بھی انکے ساتھ ہوں۔