پاکستان
07 دسمبر ، 2014
07 دسمبر ، 2014 
شہید حوالدار مسعود ٹیکسلا میں فوجی اعزاز کیساتھ سپرد خاک
07 دسمبر ، 2014
ٹیکسلا......گزشتہ روز جنوبی وزیرستان میں دہشت گردوں کے ساتھ جھڑپ میں شہید ہونے والے حوالدار مسعود کو ٹیکسلا میں نماز جنازہ کے بعد فوجی اعزاز کے ساتھ آبائی علاقے سلطان پور میں سپرد خاک کردیا گیا۔تدفین کے موقع پر پاک فوج کے چاق و چوبند دستے نے سلامی پیش کی۔ شہید کی قبر پر آرمی چیف جنرل راحیل شریف اور صدر مملکت کی طرف سے پھول بھی چڑھائے گئے۔ حوالدارمسعودشہید نے سوگواران میں ایک کمسن بیٹا اور تین بیٹیاں چھوڑی ہیں۔ حوالدار مسعود شہید گزشتہ روز جنوبی وزیرستان میں دہشت گردوں کے ساتھ ایک جھڑپ میں شہید ہوئے۔ اس جھڑپ میں القاعدہ کا اہم کمانڈر عدنان ال شگری جمعہ بھی اپنے ایک ساتھی سمیت ہلاک ہوگیا تھا۔
