پاکستان
10 دسمبر ، 2014
10 دسمبر ، 2014 
عبدالستار ایدھی نے علالت کے باوجود بھیک مشن کا آغازکردیا
10 دسمبر ، 2014
کراچی......ممتاز سماجی کارکن عبدالستار ایدھی نے علالت کے باوجود آج سے بھیک مشن کا آغازکردیاہے، ان کا کہنا تھا کہ بیمار ہونے کے باوجود لوگوں کی مدد کے لئے بھیک مانگتا رہوں گا۔آج کراچی میں ممتاز سماجی کارکن عبدالستار ایدھی نے اپنے رضاکاروں کے ہمراہ بھیک مشن کا آغاز کیا۔ اس موقع پر ایدھی صاحب علالت کے باوجود ویل چیئر پر غریبوں، ناداروں اور یتیموں کی امداد کے لئے نکلے اور لوگوں سے امداد کی اپیل کی، عبدالستار ایدھی کا کہنا تھا کہ بیماری کے باوجود وہ غریبوں اور ضرورتمندوں کی مدد کے لئے چندہ اور بھیک مانگتے رہیں گے ، لوگوں کی مدد کرنا ہی میرا اصل مشن ہے، اس موقع پر لوگوں نے ایدھی صاحب کو چندہ دیا۔
