26 اپریل ، 2012 
سرکارپارٹ 3:امیتابھ اور ابھیشکشامل ، ایشوریاکو کاسٹ نہیں کیا
26 اپریل ، 2012
ممبئی …ہدایتکار رام گوپال ورما نے اپنی سپر ہٹ بالی ووڈفلم سرکار کے تیسرے حصے کی تیاریاں شروع کردی ہیں۔سماجی نیٹ ورکنگ ویب سائٹ ٹوئٹر پر اپنی فلم کے بارے میں تفصیلات بتاتے ہوئے ورما کا کہنا تھا کہ اس سلسلے کی پچھلی فلم سرکار راج کی طرح اس فلم میں بھی امیتابھ اور ابھیشک بچن مرکزی کردار ادا کریں گے لیکن بچن خاندان کی بہو ایشوریا رائے فلم کی اسٹار کاسٹ کا حصہ نہیں ہونگی۔ہدایتکاررام گوپال ورما کا مزید یہ کہنا تھا کہ امیتابھ بچن اور ابھیشک بچن دوبارہ اپنے کرداروں میں واپسی کے لیے تیار ہیں لیکن 5ماہ قبل بیٹی کی ماں بننے والی ایشوریا اپنی بچی کی ذمہ داری کے باعث فی الحال اس فلم میں اداکاری کرنے کا ارادہ نہیں رکھتیں۔واضح رہے کہ فلم سرکار میں کترینہ کیف جبکہ سرکار راج میں ایشوریا نے اپنی اداکاری کے جوہر دکھائے تھے اوردونوں ہی فلمیں باکس آفس پرکامیاب ثابت ہوئی تھیں۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
26 نومبر ، 2024
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
اہلیہ ایشوریا کیلئے ابھیشیک کے بیان نے مداحوں کو حیران کردیا
25 نومبر ، 2024
