راولپنڈی......راول پنڈی کے علاقے چٹیاں ہٹیاں میں ایک امام بارگاہ کے قریب ہونے والے دھماکے کے نتیجے میں 4افراد جاں بحق اور 15 افراد زخمی ہوگئے ہیں،زخمیوں کو جنکی تعداد پندرہ یا سولہ بتائی جارہی ہے کو ڈی ایچ کیو اسپتال منتقل کیا گیا ہے اور وہاں پر ایمرجنسی نافذ کردیا گیا ہے کئ زخمیوں کی حالت تشویشناک بتائی جارہی ہے ۔عینی شاہدین کے مطابق امام بارگاہ کے اندر محفل میلاد جاری تھی کہ ایک شخص وہاں پہنچا تاہم خوش قسمتی سے حملہ آور اندر داخل نہ ہوسکا اوراس نے وہی دھماکا کردیا ۔دھماکا اس قدر زور دار تھا کہ قریبی عمارتوں کی کھڑکیوں کے شیشے ٹوٹ گئے،اورارد گرد کی دیواروں کو نقصان پہنچا۔ابتدا میں ریسکیو ٹیموں کے نہ پہنچنے پر لوگوں نے اپنی مدد آپ کے تحت زخمیوں کو اسپتال پہنچایا تاہم اب پولیس اور امدادی دھماکے کے مقام پر پہنچ چکے ہیں اور امدادی کارروائی جاری ہے۔تنگ گلیوں کی وجہ سے امدادی کارروائیوں میں خاصی دشواری پیش آئی۔ایک عینی شاہد عارفنے بتایا کہ اس نے زوردار آواز سنی ،اورلوگ اپنی مددآپ کےتحت زخمیوں کواسپتال منتقل کررہےہیں۔