29 جنوری ، 2015 
اس سال ایک لاکھ44ہزارپاکستانی حج اداکرینگے،معاہدہ طےپاگیا
29 جنوری ، 2015
جدہ.......سعودی عرب سے معاہدہ طےپاگیا ہے جس کے تحت اس سال ایک لاکھ44ہزارپاکستانی حج اداکریںگے۔ ذرائع کے مطابق وفاقی وزیرمذہبی امور سردار یوسف اور سعودی وزیرِ حج ڈاکٹر بندر بن حجار نے معاہدے پر دستخط کیے۔ معاہدے میں کہا گیا ہے کہ اس سال 71ہزار 684پاکستانی سرکاری انتظامات کےتحت جبکہ 72ہزار316پاکستانی پرائیویٹ اسکیم کے ذریعے حج ادا کریں گے۔معاہدے کے مطابق اس سال بھی عازمین حج کے کوٹے میں 20فیصد کٹوتی برقرار رہے گی، مشین ریڈایبل پاسپورٹ اوروبائی امراض سے بچاؤ کے ٹیکے لازمی قراردیئے گئے ہیں۔ معاہدے میں 45سال سےکم عمرخواتین کےلیے محرم بھی لازمی قرار دیدیا گیا ہے جبکہ حج کے بعد واپسی پر آب زم زم لے جانے کی اجازت نہیں ہوگی،حج پروازوں پر 5لیٹرآب زم زم پہلے ہی ایئرپورٹ پر فی حاجی پہنچا دیا جائے گا۔
