ایران نے میزائل حملے میں ملوث ہونے کے سعودی الزامات مسترد کر دیے

ایران نے سعودی عرب کی جانب سے ریاض میں ہونے والے حملے میں تہران کے ملوث ہونے کے الزمات کو مسترد کرتے ہوئے سعودی عرب پر جنگی جرائم کا الزام مسترد کردیا۔

ایران کی وزارت خارجہ کے ترجمان بہرام غصیمی کی جانب سے جاری بیان میں کہا گیا ہے کہ سعودی فوجی اتحاد کی جانب سے لگائے گئے الزامات غیر منصفانہ، غیر ذمہ دارانہ، تباہ کن اور اشتعال انگتیزانہ ہیں۔

یاد رہے کہ ہفتے کے روز یمن سے سعودی عرب کے شہر ریاض کے کنگ خالد ایئرپورٹ کے قریب بلیسٹک میزائل سے حملہ کیا تھا۔ جسے سعودی فورسز کے میزائل ڈیفنس سسٹم نے ناکارہ بنا دیا تھا۔

سعودی عرب میں کنگ خالد ایئرپورٹ کے قریب بلیسٹک میزائل سے حملہ

سعودی عرب کے ایئر ڈیفنس سسٹم نے یمن سے ہونے والا حملہ ناکام بنا دیا، ذرائع

یمن کے حوثی باغیوں نے حملے کی ذمہ داری قبول کر لی تھی جب کہ سعودی فوجی اتحاد نے حملے کا ذمہ دار ایران کو ٹھہرایا تھا۔

ایرانی وزارت خارجہ کے ترجمان کے مطابق ریاض میں حوثی باغیوں کی جانب سے کیا جانے والا میزائل حملہ سعودیہ کے یمن میں کیے جانے والے جنگی جرائم اور مداخلت کا نتیجہ ہے۔

بہرام غصیمی نے کہا کہ میزائل حملہ سعودی عرب کی یمن میں کارروائیوں کا ردعمل تھا، اس میں ایران کا کوئی عمل دخل نہیں ہے۔

ایرانی وزارت خارجہ کے ترجمان نے سعودی عرب پر زور دیا کہ بے بنیاد الزامات کا سلسلہ بند کر کے معصوم اور بے گناہ لوگوں پر حملے فوری روکے جائیں۔

انہوں نے مزید کہا کہ سعودی عرب یمن میں امن کے لیے اندرونی طور پر مذاکرات کی راہ ہموار کرے۔