کراچی ......متحدہ قومی موومنٹ کی رابطہ کمیٹی کے جوائنٹ انچارج ڈاکٹر خالد مقبول صدیقی نے کہا ہے کہ آج گفتگوکاآغازکیاہےکل اس کا جواب دیاجا ئیگا،کل الطاف حسین سےمحبت کاوہ اظہارکرینگےکہ تاریخ میں یادرکھاجا ئیگا،انھوں نے یہ بات پیر کی شب نائن زیرو پر جمع ہونے والے کارکنان سے خطاب کرتے ہوئے انھوں نے کہا کہ عمران خان کوپتانہیں کہ انھوں نےکس کوللکاراہے، عمران خان جیسےلوگوں کےالفاظ الطاف حسین کی حرمت تک نہیں پہنچ سکتے،خالد مقبول صدیقی نے کہا کہ عائشہ منزل سے مزارِ قائد تک ریلی نکالی جائے گی۔پاکستان کی تقدیرالطاف حسین کےساتھ ہے،الطاف حسین ہی مظلوموں اور محکوموں کی آواز ہیں،عمران خان جونہیں کرسکتےوہ نہ کریں،تاریخ میں گم ہوجائیں گے،انھوں نے کہا کہ کل دوپہر2بجےفقیدالمثال ریلی کاانعقادکریں گے،قائدتحریک سےاظہاریکجہتی کیلیےایم کیوایم کل عائشہ منزل سے مزار قائد تک ریلی نکالےگی،گالی کےجواب میں گالی نہیں دینگے،تشددکےجواب میں محبتیں نچھاورکرینگے،کل اتناہی پُرامن رہناہےجتنی الطاف حسین کی تعلیم ہے،کراچی ہی نہیں پاکستان کی ایک نئی تاریخ رقم ہوگی۔دریں اثنا ایم کیو ایم رابطہ کمیٹی نے ملک بھر میں الطاف حسین کے چاہنے والے عوام اور ایم کیو ایم کے کارکنان سے اپیل کی ہے کہ وہ تحریک انصاف کے سربراہ عمران خان کی اشتعال انگیز تقریر کے جواب میں اپنے قائد الطاف حسین کی تعلیمات کے مطابق صبر و برداشت کا مظاہرہ کریں ۔ رابطہ کمیٹی نے عوام و تاجروں سے اپیل کی کہ وہ اپنے معمول کے مطابق اپنا کاروبار جاری رکھیں اور کسی افوا ہ پر کان نہ دھریں ۔