نیویارک … نرالے کرداروں میں جلوہ گر ہونے والی ہالی ووڈ کی سپر اسٹار انجلینا جولی کے شوق بھی ہیں نرالے،صف اول کی ادکارہ شوقین ہیں چھریاں جمع کرنے کی۔ لارا کرافٹ سے لیکر ایولین سالٹ تک ہالی ووڈ اے لسٹر کا فلمی کیریئر بھی کسی ہائی اوکٹین ایکشن فلم سے کم نہیں ۔ وانٹڈ جیسی کئی ایکشن فلموں کی اسٹار اداکارہ کے شوق اور مشغلے بھی ہیں ان کے فلمی کرداروں کے عین مطابق، انداز اور طرز زندگی کے حوالے سے اپنی مثال آپ انجلینا جولی نا صرف مختلف چھریاں اور چاقو جمع کرنے کی شوقین ہیں بلکہ وہ چاقو چلانے میں بھی مہارت رکھتی ہیں،جس کا مظاہرہ وہ ایک ٹی وی شو میں بھی کرچکی ہیں۔ہالی ووڈ کی بہترین اور مقبول ترین ایکشن ہیروئین شمار کی جانے والی انجلینا جولی کہتی ہیں کہ مختلف اقسام کی چھریاں ذخیرہ کرنے کا ان کا یہ شوق 11 سال کی عمر میں اس وقت پیدا ہوا جب ان کی والدہ نے انہیں چھری تحفے میں دی ۔ انجلینا کا یہ شوق صرف ان تک محدود نہیں انہوں نے اپنی والدہ کے نقش قدم پر چلتے ہوئے اپنے لے پالک بیٹے میوکس کو بھی 7 سال کی عمر میں چاقو تحفے میں دیا تھا۔